September 30, 2010 ay magbubukas na ang aming coffee bar. At itoy magsisimula sa oras ng 6Pm until 10Pm. Kung kayo’y taga dito sa Dagupan. Kayo’y aming inaanyayahan na pumunta. Ito po’y libre para sa inyo. Kami po’y matatagpuan sa harapan ng Lyceum Northwestern University o kaya’y sa tabi lang po kami ng astrodome… Come and See
Title: The Parable Of The Two Son
What: caught my attention:
If you’re not in the purpose of God, we remove ourselves from blessings and open our life to all sorts of problem…
Reflection:
Napakahalaga na tayo’y connected lagi kay God. Dahil walang ibang true source of blessing kundi ang ating Panginoon. Upang maging stay connected tayo lagi kay God, ito ang mga dapat nating gawin.
To stay connected to God, worship, even when you’d rather be somewhere else.
To stay connected to God, pray, confident that God will answer in the best way.
To stay connected to God, read the Bible, even if it’s sometimes hard tounderstand.
To stay connected to God, serve others because we know that we see Christ in the faces of the least, the last, the lost, and the lonely.
To stay connected to God, take communion, knowing that Christ is here with us.
To stay connected to God, fast, knowing that we can live without what we give up.
To stay connected to God is to be part of God’s kingdom, doing God’s work. It is a connection we will never regret.
Stay Connected To God…
TENSION: Kung titignan nating mabuti ang buhay natin ngayon, kung atin itong susuriin. Ang dami pang kulang, Marami pa tayong gustong gawin, marami pa tayong gustong abutin at marami pa tayong gustong mangyari na kung saan dahil sa bagay na ito tayo’y nade-desperate dahil hindi natin alam kung papaano.
Kapag ikaw ay nade-desperate, anong gagawin mo?
Gusto kung tignan natin ang isang tao dito sa Biblia na sa kabila ng kanyang pagiging mayaman ay mayron paring kulang sa buhay niya. At makikita natin kung gaano siya ka desperate sa bagay na ito. At sa kanyang pagiging desperate ay tignan natin kung ano ang kanyang ginawa.
Ito yung kwento patungkol kay Jesus at Zaqueo…
Text: Lucas 19:1-10
V:1 Pumasok si Jesus sa Jerico, at naglakad sa kabayan
Alam natin si Jesus ay mayron siyang ministry on the road papuntang Jerusalem. Walang plano si Jesus upang siya’y manatili sa bayan ng Jerico, dahil Pagkatapos ng jerico ay susunod na ang Jerusalem na kung saan dito na yung final destination ng ating Panginoong Jesus.
V:2 Doo’y may isang mayamang puno ng mga publikano na nag ngangalang Zaqueo.
Sino ba si Zaqueo? Si Zaqueo ay chief of tax collector. At bilang chief of tax collector ay mayron pa syang mga hinahawakan na mga collectors upang maniningil ng buwis sa ibat ibat baryo sa Jerico. Si Zaqueo ay kilala ng mga tao at ang tingin sa kanya ng mga tao ay isang mandaraya, dahil kung maningil sya ng buwis ay sobra-sobra. At kapag ang mga tao ay may reklamo sa kanyang paniningil, ang mga sundalo ni King Herod ay babantaan ang mga taong ito kaya naman wala silang magawa kundi ang magbayad ng buwis na sobra. Dahil sa ganitong gawain, si Zaqueo ay nagging mayaman. (wealthy) Greek word is “plousios” pertaining to having an abundance of earthly possessions that exceeds normal experience.
Alam nyo ba na ang ibig sabihin pala ng pangalang Zaqueo ay clean (malinis) pure, (dalisay) o kayay righteous one, (tapat) Ang ibig sabihin ng pangalan nya ay taliwas lahat sa kanyang mga ginagawa.
Tinignan ko ang meaning ng pangalan ko na jonathan, ibig sabihin pala nito ay God’s gift o kaya’y God’s given. Kaya pala pastor ako ngayon.
Sa kabila ng kanyang pagiging mayaman, galit naman sa kanya ang mga tao. Nilalayuan sya ng mga tao. Ayaw sa kanya ng mga tao. Tingin nila sa kanya ay isang makasalanan. Alam ni Zaqueo ang bagay na ito, Kaya naman ng mabalitaan nya na naglalakad si Jesus sa kabayanan ay ….
V:3 At pinagsumikapan niyang makita si Jesus upang makilala kung sino ito. Ngunit siya’y napakapandak, at dahil sa dami ng tao hindi nya makita si Hesus.
Ang salitang pinagsumikapan sa English NIV po ay “wanted” at sa KJV naman ay “sought” na ang Greek word nito ay “Zeteo” meaning to devote serious effort to realize ones desire or objecvtive.
Alam ni Zaqueo kung sino ang mga tao na inaabot ni Jesus kaya ganun na lamang ang kanyang pagsusumikap upang ito’y makita. Alam nya na walang ibang makakaunawa sa kanya kundi si Jesus.
Sa panahon natin ngayon, madali bang makahanap ng tao na pwedeng makaunawa sayo? Ng tao na talagang makakaintindi sayo? Kahit alam mo ang taong ito ay may maitutulong sayo. Sa tingin mo naiintindihan ka ba nya talaga? nauunawaan ka ba nya talaga? Subukan mong sabihin ang problema mo saka kanya, at pansinin mo ang reaksiyon niya. Tatango-tango lang yan, at sasabihin niya sayo. “Ganun ba”
Ang hirap makahanap ng tao na talagang makakaunawa sayo at makakaintindi sayo.
Pero kung gusto mo talagang makahanap, Hanapin mo at lapitan mo yung tao na nakaranas at naggaling mismo sa pinagdadaanan mo.
V:4 Kayat patakbo syang nagpauna at umakyat sa isang puno ng ng sikomoro upang makita si Jesus na magdadaraan doon.
Dito sa verse 4 ay makikita natin kung gaano ka desperate itong si Zaqueo upang makita si Jesus, Dahil kaylangan pa nyang umakyat sa puno ng sikomoro. Ang puno ng sikomoro ay may tinik yan, pero binalewala yan ni zaqueo upang makita lamang si Jesus. Bakit? Dahil si Zaqueo ay naghahanap ng meaningful connection.
Dahil si Zaqueo ay nilalayuan ng mga tao, hindi sya naiintindihan ng mga tao, At ito na ang pagkakataon nya upang mahanap ito. Ang Makita si Jesus,
at ito ang isang bagay na nakakamangha, Alam ni Jesus kung nasaan si Zaqueo at kilala nya sa pangalan si Zaqueo.
V:5a pagdating ni Jesus sa dakong iyon, Siya’y tumingala at sinabi sa kanya, Zaqueo bumaba ka agad, wow…
If you really long to see Jesus
It you are ready to follow Jesus
Jesus will definitely notice you!
May part din sa buhay natin na tayoy desparate sa ibang bagay. At kung ikaw ay desparate sa bagay na yan, ano ang gagawin mo?
Dapat you should try to seek, mayron kang dapat gawin.
Kung ikaw ay mag-aaral, at desparate ka ba upang makatapos… mag-aral kang mabuti…
Desperate ka ba na makahanap ng trabaho… you should try to seek, dahil walang mangyayari kung wala kang gagawin.
Desperate ka ba upang mag grow bilang kristiyano? … read your Bible and pray everyday . baka hindi ka lang lalago kundi magrereproduce ka pa ng sarili mong church.
Desperate ka ba upang makapaglingkod… do the Pasa love, o kaya’y sama ka sa pasa love…
Desperate ka ba dahil may part pa sa family mo ang wala pa kay Kristo… bat di ka magshare sa kanila, hindi mo malalaman, hanggat hindi mo sinusubukan. Baka ikaw lang ang hinihintay nila upang gawin ito…
“Desperation plus action is equal to solution”.
Sa verse 5 parin, v5b, sabi ni Jesus, sapagkat kaylangan kung tumuloy ngayon sa bahay mo. Ito yung part na medyo nakakatawa, Jesus invite Himself for dinner, Inimbitahan mismo ni Jesus ang kanyang sarili upang tumuloy at kumain sa bahay ni Zaqueo. Baliktad ano, hindi ba dapat si Zaqueo ang mag-imbita kay Jesus. Pwede kaya to sa panahon natin ngayon, pagkatapos ng service na ito sabihin mo. Sis, tutuloy ako sa bahay mo ngayon at kakain ako… bro. maghanda ka ng kumot at unan dahil matutulog ako sa bahay niyo mamaya. Kahit kapatid mo yan siguro sa Panginoon masasapak ka nya ano…
Pag dating sa ating Panginoon, siya talaga ang nag-iimbita sa atin, ang dapat lang nating gawin ay tanggapin at sundin anumang bagay na gusto niyang ipagawa atin. Gaya ng ginawa ni Zaqueo… dahil kung hindi natin gagawin ang gustong ipagawa ni God sa atin… we fail.
Failure is unwillingness of doing what God want us to do”
V:6 Nagmamadali siyang bumaba, at tuwang –tuwang tinanggap si Jesus.
Sa nakita kung reaction ni Zaqueo ay naniniwala ako na hindi lang niya tinanggap si Jesus sa kanyang tahanan kundi maging sa kanyang puso.
V:7 Lahat ng nakakita nito ay nagbulong-bulungan. “Nakikituloy sya sa isang makasalanan,” wika nila.
Dito sa verse na ito ay makikita natin kung ano ang response ng mga tao,
silay nagbulung-bulungan -ito yung mga tao na tsismosot, tsismosa
nakikituloy sya sa isang makasalanan-ito naman ang mga tao na mapanghusga sa kanilang kapwa.
Dahil ang mga taong ito ay hindi talaga nila alam kung ano ang totoong nararamdaman ni Zaqueo, Hindi nila nakikita kung ano ang nakikita ni Jesus. At alam ni Jesus ang bagay na ito, alam ni Jesus na hindi lahat na gustong makakita sa kanya at makakilala sa kanya ay katulad ni Zaqueo .
Even sa umagang ito ay kilala nya ang bawat isa sa atin. Alam nya ang nasa puso at isipan natin. Wala tayong pwedeng itago sa ating Panginoong Jesus. Tayoy transparent sa kanyang harapan.
V:8 Tumayo si Zaqueo at sinabi, Panginoon, ibibigay kop o sa mga dukha ang kalahati ng aking ari-arian, at kung may nadaya akung may nadayang sinuman, apat na ibyao ang isasauli ko sa kanya.
Dito sa verse na ito ay inamin ni Zaqueo kung ano ang kanyang pagkakamali. Ito po yung tinatawag na Act Of Repentance. Pansinin po ninyo ang kanyang sinabi, at kung may nadaya akung sinuman, apat na ibayo ang isasauli ko sa kanya.
Hindi sinabi ni Jesus ang bagay na ito kay Zaqueo na dapat niyang ibalik sa mga tao ang sobrang pera na kinuha nya sa kanila, kundi itoy kusang nanggaling kay Zaqueo. Dahil ito ang nilalaman ng kanyang puso. Nag karoon ng change of heart sa buhay ni Zaqueo. Change of heart reflects change of attitude and action.
V:9 At sinabi sa kanya ni Jesus, Ang kaligtasay dumating ngayon sa sambahayang ito. Lipi rin ni Abraham ang taong ito…
Si zaqueo ay naligtas dahil sa kanyang pananampalataya kay Jesus, at ito’y kanyang pinakita sa kanyang gawa. Faith without action is dead.
V:10 Sapagkat narito ang anak ng tao upang hanapin at iligtas ang naliligaw.
Dito sa verse 10 ay sinabi ni Jesus kung ano ang kanyang misyon. “ang hanapin at iligtas ang mga naliligaw” Ang mga tao na tinutukoy ni Jesus ay ang mga tao na katulad ni Zaqueo.
Mga taong messed up, (magugulo ang buhay) neglected, marginalized people, mga hurting, mga helpless, hopeless at mga tong may karamdaman.
Kung ito ang mga tao na inaabot ni Jesus ay ito rin ang mga tao na nais niyang abutin natin.
Application: kung ikaw ay desperate ngayon at ito ang dahilan kung bakit halos hindi ka makapaglingkod kay Jesus, bat di mo subukang lumapit kay Kanya. Walang ibang makakapagpuno sa buhay mo kundi Siya, walang ibang makapagbibigay ng tunay na kagalakan kundi Siya. Ikaw lang ang hinihintay niya para gawin ito. Hanggat sinasabi mo sa sarili mo na kaya ko ito, si God ay hindi makakakilos sa buhay mo. Dahil nakikita nya sayo na kayang kaya mo ito na kahit wala Siya. Pero sa oras na sasabihin mo sa kanya na Lord, hindi ko ito kaya na mag-isa. Kaylangan kita. Asahan mo na may gagawin si God sayo. May gagawin si God sa buhay mo Sa pagiging desperate natin ay walang ibang makakaintindi at makakaunawa sa atin ay kundi si God…
Main Point: “If you are desperate, seek God”
Dito magsisimula ang aking kwento. Taon 2009 sa buwan ng Septembre, ay nagsimula ang student center sa aming iglesia (FULL LIFE BAPTIST FELLOWSHIP). Dahil sa aming pagbubukas ng student center ay dito ko siya nakikilala.
JUSTIN ang pangalan niya. Sa unang tingin ko sa kanya ay mabait, dahil ang taong ito ay tahimik. At hindi nga ako nagkamali, tama ang aking hinala sa kanya. Isang bagay na nalaman ko rin sa kanya ay wala siyang bisyo di tulad ng iba. Ni hindi sya umiinum ng alak at hindi sya naninigarilyo. Siya rin ay may talento. Kaya naman kahit di pa namin siya halos kilala ay pinapatugtog na naming siya sa aming iglesia gamit ang gitara.
Maliban sa pagtugtog niya ay sumasama na rin siya sa ibang gawain tulad ng Pasa Love Ministry na mayron kami. At sinabi niya na nag-eenjoy siya sa kanyang ginagawa at ngayon lang siya nakakita ng ganitong uri ng iglesia. Iglesia na pwedeng makaintindi sa kanya. Kaya naman bumabalik-balik siya.
Hanggang dumating ang araw na nakapag-desisyon upang tanggapin si Jesus bilang kanyang sariling Diyos at tagapagligtas. Kasunod na rin nito ay ang desisyon niya upang magpa-bautismo bilang pagpapakita ng kanyang pagsunod kay Cristo. Kaya naman Agusto 14, 2010 ay binautismuhan namin sila…
At ito ang kuhang larawan ng kanyang bautismo.
At ito naman ang video ng bautismo…
Si JUSTIN ngayon ay involved sa anumang gawaing sa aming iglesia (FULL LIFE BAPTIST FELLOWSHIP).
Sa small group ay kasama siya…
Sa music ministry ay kasama siya… At higit sa lahat
Sa Pasa Love ministry ay kasama namin siya…
Just Like Me!
What caught my attention:
People are ready to believe in God and be part of His kingdom because they are sick, hurting, lacking confused and all messed up! Just like me…
Reflection:
Paano nila malalaman o makikilala si God kung wala tayong ginagawa para sa kanila. Ano pa ang hinihintay mo? Kung sinasabi mo na mahal mo si God. Ano ngayon ang ginagawa mo para abutin ang mga taong ito? Ang tunay na pagmamahal ay hindi maipapakita sa salita, kundi ang tunay na pagmamahal ay maipapakita sa mabuting gawa. Alam ko na walang ibang makakaunawa sa kanila kundi ikaw mismo na nanggaling sa kinalalagyan nila. Alam ko na mayron kang magagawa.
Hindi ka bulag upang hindi mo makita ang pangangailangan nila
Hindi ka bingi upang hindi mo marinig ang mga hinaing nila at higit sa lahat…
Hindi ka pilay upang hindi ka makapunta sa kinaroroonan nila
Ang bawat oras ay mahalaga. Hindi pa huli ang lahat para sayo. Walang ibang inaasahan ngayon ang Diyos sa buhay mo kundi ang abutin ang mga taong ito…
Jesus Who?
What caught my attention:
How and what we do with our life determines what we believe about Jesus…
Reflection:
Maraning kristiano ngayon ang nagiging kuntento na sa pagiging s.s.s
saved-ligtas naman na…(ang totoong ligtas ay sumusunod sa kalooban ng Diyos)
seated-pa upo-upo lang…(ang totoong kristiano ay may ginagawa para sa kaharian ng Diyos)
satisfied-kuntento na…(ang totoong kristiano ay patuloy na lumalago, at hindi nananatili sa kanyang comfort zone.)
Tinaggap natin si Jesus hindi bilang tagapagligtas lang, tinanggap din natin sya bilang ating Diyos…
Ang ibig sabihin ng Diyos ay master. Ibig sabihin nito, bilang ating master tayo’y kanyang servant. At bilang kanyang servant, sinasabi nya sa kanyang master. Master, what do you want me to do…
Nasabi na ba natin yan kay God.
Lord, ano ang pwede kung magawa para sayo…
Lord, heto ang buhay ko. Gamitin mo…
“Just Copy”
What caught my attention:
What Jesus did is what the church should do.
Reflection:
Alam natin kung ano ang mga bagay na giniwa ng ating Panginoong Jesus nung siyay narito sa mundong ito…
Siyay nagpakain…
Siya’y naparito upang hanapin ang mga makasalanan…
Siya’y nangaral sa mga tao…
Siya’y nagpa-galing sa mga may sakit…
Sila ang mga tao na ang daming kakulangan sa buhay. Sila yung mga tao na nilalayuan ng kapwa nila tao. Sila yung mga tao na hurting, mga helpless, mga hopeless, broken hearted, neglected people, mga marginalized people.
Ang mga taong ito ang nais abutin ng ating panginoong Jesus…
Bilang Iglesia, Sila rin ba yung mga taong inaabot natin o ang inaabot natin ay ang mga tao na katulad natin…
“Inspire Me”
What caught my attention:
We to much information but not enough application.
Reflection:
24 “Kaya’t ang bawat nakikinig at nagsasagawa ng mga salita kong ito ay maitutulad sa isang taong matalino na nagtayo ng kanyang bahay na ang pundasyon ay bato. 25 Umulan nang malakas, bumaha, at binayo ng malakas na hangin ang bahay na iyon, ngunit hindi nagiba sapagkat nakatayo iyon sa bato. 26 Ang bawat nakikinig ng aking salita ngunit hindi naman nagsasagawa ng mga aral na ito ay maitutulad naman sa isang taong hangal na nagtayo ng kanyang bahay sa may buhanginan. 27 Umulan nang malakas, bumaha at binayo ng malakas na hangin ang bahay. Ito ay bumagsak at lubusang nawasak.”
Hindi mahalaga kung gaano karami ang iyong nalalaman, ang mahalaga ay kung paano mo ito ipinapamuhay. Balewala ang mga bagay na alam natin kung hindi rin natin ito gagawin. Sabi nga, “Action Speaks Louder Than Words”
Ikaw bay matalino? O ikaw ay hangal?
Pagkatapos ng aming Pasa Love sa region 1 hospital. Kina-umagahan, bandang hapon ay nagkaroon kami uli ng PASA LOVE (share God’s love) at ito’y aming ginawa sa aming church (Full Life Baptist Fellowship). Ang mga tao sa paligid namin ay aming inabutan ng mga pagkain (chicken arrozcaldo). Maging lahat ng mga tricycle driver, habang wala pa silang mga pasahero ay amin silang inimbitahan na pumasok sa loob ng church upang mayron silang masilungan at silay makakain ng mabuti. Ang mga pwesto sa harapan ng church ay amin din silang nilapitan at amin silang inabutan maging ang gasoline station ay aming pinuntahan at silay aming binigyan. Hindi na naming hihintayin kung kaylan lalapit ang mga taong ito sa amin, kung kaylan papasok ang mga tang ito sa church namin, kundi kami na ang gagawa ng hakbang upang kami ay makalapit sa kanila. At ito ang aming mga ginawa…
Dahil kung lalapit ka sa kanila na naipapakita mo ang iyong pagmamahal, darating ang araw na ang mga taong ito ay sila na mismo ang lalapit sayo dahil nakita nila ang kabutihang ginawa mo. Habang sumasapit na ang gabi ay patuloy pa rin ang pagbuhos ng ulan at itoy unti-unting lumalakas. Magkagayun man, tuloy parin kami sa amin pagbibigay, hindi hadlang ang ulan upang tumigil kami sa aming ginagawa.
Titigil lang kami kapag naubos na lahat ng arrozcaldo na niluto ni ate janna.
Mateo 5:16 “Gayon din naman, dapat ninyong paliwanagin ang inyong ilaw sa harapan ng mga tao, upang Makita nila ang inyong mabubuting gawa, at luwalhatiin ang inyong Amang nasa langit.”
Hindi magiging kumpleto ang pagiging kristiano namin kung hindi namin ito gagawin.
Ang PASA LOVE ay nagpapakita ng aming pagsunod sa Diyos. At ito ang aming paraan upang aming maipakita ang aming pag-ibig sa Kanya at ang aming Pag-ibig aming kapwa…
Sa Diyos ang papuri!!!
Related Post:
Taong 2002-2004 nung unang nagsimula ang aking ministry sa mga bata sa Manaoag Bethel Baptist Church under Ptr. Romeo Ramos. Dito sa church na ito ako nag umpisa. Tatlong beses kaming nagtuturo sa mga bata sa loob ng isang linggo. At ito ang mga bayan na aming pinupuntahan. Maliban sa bayan ng Manaoag na may limang brgy. kaming pinagtuturuan ay pumupunta rin kami sa bayan ng San Jacinto sa brgy, lobong, casibong at angio. Sa bayan ng San Fabian naman ay ito ang mga brgy. na aming pinupuntahan. Ang brgy. sabangan at ang mabilao. Sa loob ng isang lingo ay umaabot ng mahigit isang daang bata ang aming natuturuan. Habang ginagawa ko ang bagay na ito nandun ang kagalakan dahil hanbang bata pa sila ay natuturuan na sila ng patungkol sa salita ng Diyos.
Pagkatapos ng dalawang taon na pagtuturo sa Manaoag Bethel Baptist Church. Taong 2004-2008. Akoy napunta sa panibagong church sa bayan ng Sta. Barbara. Sa Tuliao Grace Baptist church under Ptr. Bern Quisedo. Sa taong ito, hindi na mga bata ang aking tinuturuan kundi mga kabataan. Mga kabataan na may mga kanya-kanyang problema na dinadala sa kanilang mga buhay. Tulad ng problema sa pamilya, problema sa barkada, problema sa pag-aaral. Habang nakikita ko ang mga kabataang ito ay nakikita ko ang aking sarili sa kanila dahil ang mga bagay na kanilang pinagdadaanan ay aking naranasan. Kaya naman wala akung ibang ginawa kundi ang unawain sila, intindihin sila hanggang sa akoy makapag-build ng relasyon sa kanila. Dahil walang ibang makakaunuwa sa kanila kundi ang tao na nanggaling mismo sa pinagdadaanan nila. At dumating nga ang panahon na ang mga kabataang ito ay unti unting umatend ng church, hanggang dumating ang araw na ang iba sa kanila ay tumutugtog na sa church at ang iba sa kanila ay sumasama na sa pagbibisita. Halos apat na taon din na nakasama ang mga kabataang ito. Masaya ako pag nakakasama ko sila. Dahil kahit papano ay may nagbago sa kanila. Nung time na ako ay nagpaalam sa church na ito isang taon at anim na buwan na ang lumipas ay hindi ko na alam kung ano na ang nagyari sa kanila, kung ang mga kabataang ito ay nagpatuloy ba sila o bumalik sila sa dati nilang mga gawa.
Pagkatapos ng apat na taon sa Tuliao Grace Baptist Church. Ako’y napunta sa Full Life Baptist Fellowship under Ptr. Israel Tarlit dito sa lungsod ng Dagupan. Ang daming bagay na aking natutunan sa kanya. Isang bagay na gustong-gusto ko sa kanya ay kaya ka niyang ipaglaban. Nandun yung pagmamalasakit nya sayo bilang kanyang kasama. Sa aking pananatili sa church na ito (Full Life Baptist Fellowship) ng mahigit isang taon at anim na buwan ay naging malinaw sa akin ang lahat. Dito mas lalong lumawak ang aking kaalaman lalo na sa ministry. Bunga na rin ito ng sipag ng aming pastor sa pagbabasa ng mga libro kaya naman pati kami ay natuto. Ang hirap palang gawin ang isang bagay na hindi mo alam kung ano ang kahihinatnan nito o kung may patutunguhan ba ito o wala. Una sa tingin mo ay may nangyayari, pero ang katutuhanan nito ay hindi mo talaga alam kung ano ba talaga ang layunin mo kung bakit ko ginagawa ang mga bagay na ito. Hindi ko na pwedeng balikan kung ano ang aking nakaraan. Ang mahalaga ngayon ay ang hinaharap. Ngayon ay nalaman ko kung ano ang totoong layunin ng buhay ko. Na iniligtas ako ng Diyos hindi para magligtas din ang iba. Ang kaligtasan ay hindi gawain ng tao kundi itoy gawain ng Diyos. Ang dapat ko lang gawin ay ang sumunod sa pamamagitan ng aking paglilingkod sa aking kapwa. Dahil sa pamamagitan ng pagsunod, mayrong maliligtas.
Sa taong ito 2010 ay sobrang dami ng nangyari sa aming Iglesia, sa aming ministry. Kakaibang ministry na hindi katulad ng dati. Ministry na kung saan pwede naming maipakita ang aming tunay na pag-ibig sa Diyos at ang aming tunay na pag-ibig sa aming kapwa. Ministry na kung saan bilang church ay nagiging bahagi sa gawain ng community. At ang pangalan ng aming ministry ay PASA LOVE. (Share God’s Love). At dito nag umpisa ang lahat…
December 2009, ay lumabas kami at pumunta kami sa mga kalye at aming inabutan ng relief goods ang mga taong ito. Mga natutulog sa gilid ng daan, magbabasura, magbabalot, security guard, prosti, at iba pa.
February 2010, ay nagbigay kami ng mga regalo sa mga bata na nasa feeding program ng West Central Elementary School.
February 2010, ay nagkaroon din kami ng P100 Kindness Project na kung saan ang aming iglesia ay nagpamigay ng isang daang piso sa sinumang gustong tumulong sa kanyang kapwa. Ito po ang aming ginawa…
March 2010, holy week, kami ay nagpakape ng libre sa harapan ng aming iglesia.
May 2010, Bangus Festival ay nag painum kami ng libre na palamig at malamig na tubig. At umabot ng 1,500 katao ang nakainun.
May 2010, After Election ay naglinis kami sa Dagupan City National High School . Katatapos lang din ito ng bangus festival…
June 2010 ang Project Pearls na pinamumunuan ni Mellisa Villa-Wilcox ay nagbigay ng school supplies sa mga under privileged children dito sa lungsod Dagupan at itoy aming pinamigay sa pantal area sa mga bata na aming tinuturuan. At ang iba naman ay aming pinamigay sa mga bata sa West Central Elementary School. Salamat Project Pearls para sa mga school supplies na naipamigay. Maraming salamat sayo ate Mellisa…
July 2010 ang Project Pearls na pinamumunuan ni Mellisa Villa-Wilcox ay nagbigay ng suporta sa mga bata para sa feeding. Dalawang beses po naming itong gagawin sa loob ng isang buwan. Salamat Project Pearls para sa feeding sa mga bata. Maraming salamat sayo ate Mellisa…
July 2010, Ang Pasa Love ay bumalik sa Region 1 Hospital upang magpakain sa lahat ng mga pasyente, mga watchers at mga staff ng hospital . Maging ang mga tao sa labas ng hospital ay aming inabutan ng pagkain…
July 2010, Ang Pasa Love, pagkatapos ng pagpapakain sa hospital. Kinaumagahan ng hapon, kami ay nagbigay uli ng pagkain sa harapan ng aming iglesia at aming binigyan ng pagkain ang mga tao na nasa paligid namin. Amin ding inabutan ng pagkain ang mga tricycle drivers
at mga jeepney drivers.
Ito na po kami ngayon, at ito ang aming pinaniniwalaan.
Ang PASA LOVE ay nagpapakita ng aming pagsunod sa Diyos.
Kaya namin ito ginagawa dahil mahal namin ang Diyos, Pangalawa, mahal namin ang aming kapwa.
Pasa Love Team
Sa Diyos ang papuri!!!
Related Post:
